Joba erekshe qajettilikteri bar adamdarǵa kompıýterlik saýattylyqty úırenip qana qoımaı, mamandyq alýǵa da kómektesedi. Jobaǵa qatysýshylar keıinnen tálimgerlikpen jalǵasatyn oqýdan bastap jumysqa ornalasýǵa deıin tolyq sıklden ótedi.
Bilim berý baǵdarlamasyna kompıýterlik saýattylyqtyń bazalyq daǵdylary, Grafıkalyq dızaın, tıpografııa jáne SMM-menedjment kiredi. Baǵdarlama eńbek naryǵynda suranysqa ıe mamandyqtardy qamtıdy. Jobaǵa qatysýshylar oqýdy aıaqtaǵannan keıin jumysqa ornalasa alady.
"QR Eńbek jáne halyqty áleýmettik qorǵaý mınıstrliginiń málimetinshe, elimizde 695 000 astam múgedek adam turady, bul rette 424 000 adam eńbekke qabiletti jasta. Alaıda olardyń tórtten bir bóligi ǵana eńbek qyzmetine tartylǵan. Bizdiń joba erekshe qajettilikteri bar adamdarǵa áleýmettenýge, suranysqa ıe mamandyq alýǵa jáne jumys tabýǵa kómektesedi", - dedi "Erekshe tańdaý-Shelek" KQ baǵdarlamalyq dırektory Zahıra Begalıeva.
Onyń aıtýynsha, oqýǵa 137 adam ótinish bergen.
Korporatıvtik qor "Samruk-Kazyna Trust" áleýmettik jobalardy damytý qorymen birlesip "LIDER Z" jobasyna bastama jasady.
Uıymdastyrýshylar qoǵamda múmkindigi shekteýli jandarǵa qatysty stıgmatızasııa áli de bar ekenin atap ótti. О́ıtkeni, kóptegen jumys berýshiler olardy belgili bir salada jetkilikti bilikti emes dep sanaıdy, sebebi jetistikke jetken jáne ónege tutar jandar sany az. Al osy "LIDER Z" jobasy bul máseleni sheshýge múmkindik beredi.
Qazaqstandaǵy jáne álemdegi sońǵy jańalyqtardy birinshi bolyp oqý úshin Telegram jelisinde bizge jazylyńyz.
